***** ဇာပိုင်ပင်ဆိုလီ..*****
ဇာပိုင်ပင်ဆိုလီ....
ချစ်နီရေ... ချစ်နီခရေ.... အေကုလည်းချစ်နီတုံး
တသက်မာတယောက် ..တယောက်ကိုယာတသက်စာ..
ရဖို့ခက်ခဲရေ လူဘဝတခုတည်းမာ
သူတယောက်တည်းကိုရာ
အချစ်အတွက်..လူထင်မှတ်လို့
နှလုံးသားက အဝေစိထိရောက်အောင်
ချစ်ဖူးရေ.။

ဇာပိုင်ပင်ဆိုလီ....
ချစ်တေအကြောင်း
စာမျက်နှာပေါင်း ရာ၊ ထောင် သောင်းကို
ကာရန်မကျ.လင်္ကာမကျ
မြောက်ဦခေတ် ကျောက်စာထက်ဆိုး
ရေလက်ရွီးနဲ့ ကိုယ်တိုင်ရွီးလို့ ပီးဖူးရေ။
နောက်ကလိုက်လို့ စကားပြောဖူးရေ.။
ဖုန်းဆက်လို့လည်းပြောဖူးရေ..။
Message တိလည်း ပို့ဖူးရေ........။
ကံအကြောင်းချေကြောင့်
သူနဲ့တွီနီရက်အစက
အဆိပ်သုတ်ထားရေ အပ်
နှလုံးသားအလယ်ကောင်တည့်တည့်ကို
ကိုယ်တိုင်ထိုးစိုက်စွာ..
ချစ်အဆိတ်မူလို့ မာန်တက်
သူအတွက် အပြစ်တခုလည်းမမြင်
သူစွာ ငါ့ကမ္ဘာ
သူစွာ ငါအနာဂတ်
သူစွာ ငါ့အိမ်မက်
သူစွာ ငါ့မျှော်လင်းချက်....
အေဘဝ သူမှအပ
တခြားဇာသူကိုလည်း
၁၅၀၀ မချစ်လို့ ဆုံးပြတ်ခစွာအမှန်...။
သူကို ချစ်ခစွာက..
ဘုရင့်နောင်ဖောင်ဖျက်
နောက်ကိုဆုပ်ဖို့လမ်းမရှိ..
အချစ်ကို စစ်နဲ့မနှိုင်းဝံကေ့လည်း
အေကုကျရှုံးနီရေငါအတွက်
အချစ်ဆိတ်တက်လို့.အသက်မပျောက်ကေတောင်
ဘဝတော့ပျက်ဖို့စွာအမှန်...။
ဇာပိုင်ပင်ဆိုလီ....
အချစ်နဲ့ အသက်ပီးရေလူး
အချစ်ကြောင့် ဘဝပျက်တေလူး
အချစ်ကြောင်း ရှုးလားခရေလူ
ငါ့ထက်အရင်ဦးကပင်ရှိပြီးသားဖြစ်လို့
ယင်းလူတိကြား ငါ့ပါလားကေလည်း
သူအမြင်တော့ ငါပေါဆိုရေ စကားထက်
ထူးခြားလာဖို့စွာ မဟုတ်...။
သူကတော့ အရားရားငါအတွက်အရေးပါရေ
မရှိမဖြစ်လိုအပ်လူဖြစ်လို့
ငါရက်ပြတ်ဆုတောင်းနိမိရေ
ဘုရားရှိခိုးတိုင်း..ကြယ်တိကြွီစွာမြင်တိုင်း
သူငါ့ကိုတရက်လက်ခံနိုင်ပါစီလို့....
웃ဇာပိုင်ပင်ဆိုလီ...
웃ဇာပိုင်ပင်ဆိုလီ...

အမ်းသားကြီး......(ရခိုင်ကဗျာ)